Mizoram te June 14 dak aro lockdown othaishe

June 6, 2021. Saturday din Mizoram government para Aizawl te aro complete lockdown June 14 darik dak othaishe , koikena khobor para janaishe. State te Covid-19 cases toh hotai din otha nemite bemar toh rokaboli kam kori ase. Lockdown guidelines toh May 29 darik te junaina thaka toh June 14 darik 4am samai dak besi stick para jai thakibo, koikena order te janaishe. Aizawal te lockdown toh June 7 darik te kotom hoboli thaka ase. May 29 darik laga order hesab te, Aizawl Municipal Corporation (AMC) jaga te bohi thaka manuh khan lockdown samai ghor aro compounds bahar te naolaboli koikena ase. AMC jaga osor te essential commodities laga dukan toh hotai pujur kulibo aro agricultural seeds & equipment, school textbooks, motor workshops aro spare parts toh Tuesday din 5am para 5 pm dak kulibo. Construction materials, computer, mobile dukan toh Friday 5am para 5 pm dak kulibo koishe. Vegetable aro meat dukan toh Friday din te kuliboli order te janaishe. Hospitals, nursing homes, clinics, laboratories, pharmacies, dispensaries, bank and non-banking financial institutions, post offices, filling stations, LPG store houses, fair price shop, animal feed store toh lockdown samai bondh nakoribo. Hoilebi, economic aro dosura agricultural activities toh AMC jaga bahar te Covid19 protocols hoshari neum toh jabo, order te koishe. State pura te worship, educational institutions, public parks, picnic spots, movie theatres, gymnasiums, community halls, restaurants, shopping complexes aro malls toh bondh thakibo. Hoilebi government offices aro commercial banks toh Covid19 protocols hesab te AMC jaga bahar te hoshari neum te kulibo. Intra-state aro inter-village movement toh bondh thakibo, hoilebi medical emergencies nemite kula ase koishe. Etu samai Saturday din te Covid bemar para 1 jun mora khobor paishe, etu melaikena state te 52 jun morikena ase. Saturday din Mizoram te 236 Covid19 cases thurishe, etu melaikena state te 13,300 bemar cases ase. Itya state te 3,316 active cases ase aro 9,932 manuh bemar bhal hoishe. Saturday din alag-alag Covid19 Care Centres para 116 manuh discharged hoishe. State laga recovery rate toh 74.68% ase aro mora rate toh 0.39% te ase koishe.