New Delhi: Monday din Delhi Metro te besi din para rokina thaka toh national capital te bemari halat bhal hoi thaka nemite services kulikena jai ase, hoilebi 50 per cent seating capacity ase aro kara korikena peraboli mana ase, koikena official para janaishe. Delhi Metro Rail Corporation (DMRC) services toh city government para May 20 darik te pura bondh korishe. Metro services toh kali essential services nemite kula thakishe, hoilebi etu coronavirus second wave cases otha nemite aro May 10 darik te suspend hoishe. Monday din para trains toh 6 am para soruh hoishe koishe. Etu fesla toh Chief Minister Arvind Kejriwal para Saturday din te metro trains toh half capacity te perabo aro dukan aro malls toh odd-even hesan June 7 darik para soruh koribo koishe. Delhi te 381 notun Covid cases thurishe, etu tui(2) moina atha te sobse komti paishe aro 34 jn morishe, etu samai positivity rate toh 0.5 per cent te lamishe, koikena Sunday din health department para janaishe. “Train toh Wednesday din pura perabo aro service toh lockdown hesab te jai thakibo,” koikena DMRC para janaikena ase. Passengers khan ke kali alternate seats te bohibo aro kara koriboli mana ase, officials para koishe. Delhi te 381 notun Covid cases ase aro 34 jun morishe, koikena Sunday din laga khobotr toh health department para janaishe. Etu neum hesab te noral din te 10-15 per cent total capacity thakibo aro general public logot metro authorities laga Covid hoshari neum jolaboli janaishe. “social distancing nemite train pithor te 50 per cent bohibo aro public khan logot train roka samai hoshari neum jalaboli, DMRC para statement te koishe. Stations sob laga gates te manuh janiboli puila neshian kam koribo koishe.
Delhi te Mall, Shops aro Metro services aji para soruh
Add Comment