Darrang te Assam doctor ke marishe

DIBRUGARH: Hojai te junior doctor Dr Seuj Kumar Senapati logot hamla kora beche aro dosura case ekta Assam Darrang district, June 6 darik te doctor 1 jun logot aro hamla korishe. Khobor hesab te, Darrang district te youth Congress leader para Dr Ahmed Ali aro tai laga maiki logot Afreen Health Care Centre, Kharupetia te hamla korishe koishe. Khobor para janaishe ke, Dr Seuj Kumar Senapati ke olop din akhe Hojai te 28 manuh para hamla korikena ase, etu nemite Assam te besi tangor jamila jai ase. “Congress leader laga sister toh elaj nemite hospital jaishe, hoilebi doctor para bemar manuh ke thik samai te elaj nakora nemite, etu Congrss leader para toh kusa hoikena doctor oper te hamla korishe,” koikena police para khobor toh janaishe. Khobor para janaishe ke, Dr Ahmed Ali laga maiki para tai ke pachaboli aha samai tai oper te be hamla korishe koishe. Kharupetia police para Congress leader kelaaf te cases registered korishe. Indian Medical Association Assam branch para Chief Minister Himanta Biswa Sarma logot doctor ke hamla kora nemite memorandum submitted korishe.