June 8, 2021. Monday sam te farmers khan para police station te bohi kena protest kora toh rokishe. Ruling JJP MLA Devender Singh Babli ke thurikena thaka toh bail para olaishe aro dosura demand mana nemite ase koishe. Samyukt Kisan Morcha (SKM) para Haryana police station sob te tui(2) jun farmers ke thura nemite protest kori thaka toh bail para jara nemite rokishe, hoilebi aro dosura ek jun Tohana city, Fatehabad district te thurikena thaka te protest korishe. Officials para koishe ke, farmers khan toh police station para protest kora jarishe. Senior SKM leaders aro Rakesh Tikait, Yogendra Yadav and Gurnam Singh Chaduni para farmer khan ke loikena Tohana police station te protest korishe. Farmers Ravi Azad aro Vikas Sisar ke jowa hafta gherao Babli’s residence te thurishe, hoilebi sam te court para bail thishe aro dosura farmer Makhan Singh ke be sam te jarishe koishe. Olop din akhe farmer leaders khan para peasants oper Babli te cases registered hoikena thaka toh wabas koriboli protest korishe. Etu samai, Tikait para koishe, farmers thurikena thaka toh jarishe aro tai khan kamyaab paishe koishe. Yadav para koishe ke, farmers laga demand toh manishe aro SKM khan kamyaab hoishe. “Tohana aro Haryana te Samyukta Kisan Morcha para kamyaab paishe. Demand kora sob manishe aro MLA Babli para complaint wabas loishe aro tin(3) jun farmer leaders thurikena thaka toh be jarishe,” koikena Yadav para janaishe. Saturday din para Sadar Police Station compound te Tikait para loikena farmers khan roki thakishe. Wednesday rati te gherao Babli’s laga ghor te jamila kora nemite farmers group ekta ke FIR registered korikena thakishe. Protesters khan para Babli oper te kotha beya besi kowa nemite case registered koriboli koishe. Jannayak Janata Party (JJP) MLA para farmer oper te beya kotha kowa nemite maaf mangkishe koishe.
Add Comment