West Bengal te lightning para 26 manuh morishe

Kolkata: Monday din West Bengal te alag-alag jaga te lightning strikes para komti hoilebe 26 manuh morishe, koikena state disaster management official para khobor toh janaishe. Hooghly district te 11 jun morishe, Murshidabad te 9 jun morishe aro  Bankura, East Midnapore, aro West Midnapore districts te 2 jun morishe koishe. Prime Minister Narendra Modi para manuh mora nemite mon dukh janishe aro ghor manuh  logot ex-gratia of Rs 2 lakh aro jokom howa manuh ke Rs 50,000/- thiboli junaishe. PM Modi para koishe, “West Bengal te lightning para manuh mora laga ghor manuh logot ami laga bapana janai ase aro kaun khan jokom paikena ase joldi bhal hoboli besas te ase.” Union Home Minister Amit Shah para be lightning strikes te manuh mora nemite mon dukh kora janaishe aro jokom paikena thaka khan nemite joldi bhal hoboli parthana kori thishe. South Bengal te thunderstorms aro lightning toh alag-alag district te besi beya para ahishe, koikena Met department para koishe. Purba Medinipur, South 24 Parganas, Kolkata, Hooghly, Howrah, Murshidabad, Purulia, Bankura aro Nadia districts te thunderstorms ahishe. Etu din Kolkata te sobse besi 37.7 degrees Celsius thakishe aro sam te paani toh 12 mm kerishe, koikena weather office para koishe. City te 4.25 pm samai northwesterly jaga para hawa toh sobse besi 59 kmph te tui(2) minute neshina marishe koishe. Weather office para Kolkata aro osor jaga te Tuesday din te paani aro thundershowers ahoboli janaishe. North Bengal te paani besi tangor toh sub-Himalayan districts neshiana Darjeeling and Alipurduar te ahibo aro Coochbehar, Kalimpong and Jalpaiguri jaga te Wednesday pujur dak paani keri thakiboili koishe.