Mumbai-Kolkata Vistara flight te 8 passengers jokom

June 8, 2021. Monday din Vistara’s Mumbai-Kolkata flight toh landing kora samai severe turbulence howa te komti hoilebi 8 jun passengers jokom paishe koishe. Khobor hesab te, jokom kora manuh pithor te tin(3) jun besi serious howa nemite Kolkata local hospital te loikena jaishe. 5 jun minor jokom powa manuh ke Kolkata te first aid aro medical motob thishe koishe. Etu beche tai khan ke nejor jaboli thaka jaga te putaishe, koikena Kolkata Airport Director C Pattabhi para khobor toh janaishe. Etu samai aircraft te 113 passengers thakishe. “aircraft toh Kolkata airport te landing kora samai air turbulence thurishe, etu nemite tin(3) passenger jokom hoikena hospital te loikena jaishe,” koikena khobor toh senior official of Kolkata airport para janai deya toh Zee News para koishe. “ek jun pura manuh toh hath beya hoishe aro etu samai maiki manuh ek jun toh right hath beya hoishe aro dosura ek jun toh matha te lakishe,” koikena officials para janaishe. Official para koishe ke, turbulence nemite tin(3) jun passenger besi beya jokom paishe aro 5 passengers khan aircraft pithor te jokom hoishe. Etu incident toh 4 pm samai mosom beya thaka nemite flight toh Kolkata para 25 nautical miles thaka samai hoishe.