June 9, 2021. North Tripura, Panisagar subdivision, Padmabil Jwalabazar Higher Secondary School osor te 24 umer manuh ek jun laga dead body toh paani-kethi te paishe. Investigation kora samai police para muder case suspect korishe. Etu manuh laga khobor toh spread kora beche etu jaga te manuh besi jama hoishe. Mora 24 umer laga nam toh Jamir Hussain ase aro tai toh North Padmabil Ward No. 3 te thakai manuh ase koishe. Tai laga uncle Abdul Qadir para koishe ke, “Jamir toh Monday rathi 9.30 pm samai tai laga bemar papa logot khana kela beche tai laga dukan te komaboli jaishe. Aji pujur tai laga mora body toh Padmabil Higher Secondary School osor te ase koikena khobor ahishe.” Etu khobor hona beche tai laga ghor manuh khan jaga te jaishe. Jamir toh Bengaluru te private company ekta te besi saal para kam kori thakishe. Hoilebi, tai laga papa bemar howa nemite ghor te wabas ahishe. Tai laga papa toh heart attack hoikea paralyzed hoishe. Etu samai, Jamir laga cousin’s bike bearing registration number TR028843 toh be jaga te thakishe aro bike toh lock hoikena key toh thaka nai aro tai laga ekta shoe toh bike osor te paishe. Tai laga matha aro chest te jokom howa laga mark thakishe. Panisagar Police aro sub-divisional police officers jaga te pongchise, etu samai Unkoti district para forensic team aro guta para investigate korishe. Police para murder kora case registered korikena investigation soruh hoishe. Autopsy kora beche tai laga body toh ghor manuh logot thiboli ase koishe.
Add Comment