Imphal Covid hospital bona soruh

June 9, 2021. Manipur laga capital Imphal te 200-bedded Covid hospital bona soruh hoishe. Etu hospital toh Kiyamgei, Imphal te centre laga fund para bona soruh hoishe aro etu Covid Hospital toh Defence Research aro Development Organization para motob saikena bonai ase. Tuesday din Manipur chief minister N Biren Singh para koishe ke, etu dedicated hospital para Covid-19 bemari manuh logot elaj samai besi tangor motob paboli ase. Etu Covid hospital te latest medical infrastructure rakiboli ase aro etu oper te 150 general beds aro bemar manuh nemite intensive care unit(ICU) te 50 beds thakibo. Manipur te 24 gonda samai, sob melaikena 748 manuh ke Covid-19 positive tested thurishe aro etu bemari para 12 jun aro morishe, etu melaikena state te 908 manuh morikena ase. Etu samai Manipur te 56,578 positive cases hoikena ase.