Assam te 10 police commando battalions othabo

June 10, 2021. Wednesday din Assam Chief Minister Himanta Biswa Sarma para State te joldi para 10 notun police commando battalions othaboli ase koikena khobor toh junaishe. Etu notun police commando battalions toh Indian commando force – National Security Guards (NSG) laga line te para aniboli ase. Assam Chief Minister Himanta Biswa Sarma para janaishe ke, etu commando battalions toh State laga sensitive jaga te aro police deman kora jaga te rakiboli koishe. Sarma para aro koishe, etu commando battalions toh India laga alag-alag jaga te training kora khan ase. Himanta Biswa Sarma para etu khobor toh Wednesday din Assam Police SPs Conference te 1^st samai meeting kora te janaishe. Din pur conference thaka samai, Assam te police personnel laga welfare oper te kotha korishe. CM Sarma para aro junaishe ke, tuita(2) shifts system toh State laga police stations te thakibo, etu te police nemite kam toh halka hoboli koishe. Tai para aro koishe ke, joldi te notuh recruitment loikena police stations te tuita(2) shifts system te manpower othabo. Assam Police te aro extra 2000 Sub-Inspectors neshina recruitment koriboli bapana te ase, koikena Sarma para khobor toh janaishe. Sarma para koishe ke, Assam Police te notun recruitments lowa toh hoile State Government laga policy pithor te youths logot 1 lakh jobs thiboli nemite ase koishe. Dosura tangor kam junai deya te, Assam CM Himanta Biswa Sarma para aro koishe, 7 notun Forensic Labs toh State te bonabo aro etu para police khan investigation cases toh asani hoboli koishe. Sarma para aro kowa toh, hotia saal police personnel aro officials nemite health check up thakiboli bonabo. Etu oper te Assam Chief Minister para koishe ke, State laga personnel kaun khan alag-alag desh te ase, tai khan families logot thakiboli nemite 1 moina compulsory leave thiboli janaishe.