Manipur te militants para police logot hamla

June 10, 2021. Manipur’s Noney district te suspected militants khan para police team ekta logot hamla korishe, etu samai police team te 1 jun commando toh hamla kora te splinter para jokom paishe koishe. Manipur Noney district te etu police team logot Rengpang  bosti osor te hamla kora ase. Khobor hesab te police team khan toh Manipur laga DIG (Law & Order) – Themthing Ngasangva’s security team thakishe. Police team toh Imphal te DIG aro Rengpang bosti manuh logot meeting korikena wabas jai thaka samai suspected militants khan para hamla korishe koishe. Hoilebi, khobor hesab te hamla kora samai DIG toh etu police team laga convey te thaka nai koishe. Etu incident toh Wednesday din 4:30pm samai neshina te hoishe. Police commando jokom powa laga nam toh Rifleman Shashi thakishe koishe.