June 10, 2021. Assam laga Dhubri District jail te, Wednesday din komti hoilebi 23 jail te boha manuh logot COVID-19 positive tested korishe. Etu 23 jun logot COVID-19 positive thura nemite jail pithor te isolation te rakikena ase koishe. Dhubri district jail te 4 samples tests lowa beche 23 cases toh thura ase koishe. Dhubri district jail laga khobor hesab te koishe ke, jail te bohi thaka baki manuh logot joldi te aro tests loboli ase. Etu samai, Wednesday din Assam laga Dhubri district te 109 notun COVID-19 cases paishe, etu sob melaikena cases toh 4760 hoikena ase koishe. Itya dak district te 1247 active cases ase. Dosura khobor ekta te Wednesday din COVID-19 bemar para aro 1 jun manuh morishe, etu melaikena districts te second wave bemari para 51 manuh morikena ase aro district te itya dak 3462 bemar bhal hoikena ase koishe.
Add Comment