Petrol-Diesel daam nemite congress protest korishe

New Delhi: Friday din te Congress leaders aro party workers khan para alag-alag jaga petrol pumps te symbolic protests thakishe, etu samai tai khan para fuel daam othikena thaka toh lamaboli koishe. Party leaders KC Venugopal aro Shakti Singh Gohil toh Feroz Shah Kotla Stadium petrol pump te horse cart para ahishe. Mr Venugopal para koishe ke, UPA government pithor te petrol aro diesel laga tax toh Rs. 9.20 thaka itya Rs 32 hoikena ase koishe. “government para petrol aro diesel te excise duty tax loi thaka toh rokiboli lage. Ami khan para fuel daam toh lamaboli demand kori ase,” koikena Congress general secretary, Mr Venugopal para janaishe. Ajay Maken para loikena fuel daam otha nemite Rajinder Nagar aro Janpath te protest korishe. Party leaders khan para koishe ke, desh pura te COVID-19 hoshari neum te protest toh petrol pumbs sob jaga te thakishe. Petrol aro diesel laga daam toh aro Friday din 31 paise per litre aro 28 paise per litre te othishe koishe. Itya Delhi te petrol 1 liter laga daam toh Rs 95.85 hoishe aro diesel laga daam toh Rs 86.75 per litre ase koishe. Madhya Pradesh, Maharashtra, Andhra Pradesh, Telangana, Rajasthan aro Ladakh te petrol laga daam toh litre te Rs 100 hoikena ase. Rajasthan laga Sri Ganganagar district te petrol laga daam toh Rs 106.94 per litre aro diesel toh Rs 99.80 per liter ase, desh pithor te etu sobse besi daam hoikena ase koishe