June 11, 2021. Golaghat district pithor Bokakhat sub-division te jungle elephant para 10 saal umer bacha ek jun ke moria-thishe koishe. Etu incident toh Thursday sam Bokakhat sub-division pithor Mikirchang Bagicha bosti te howa ase koishe. Bacha laga nam toh Dip Rawtia ase koikena janishe. Dip Rawtia toh Samara Rawtia laga bacha ase aro tai khan toh Bor Line, Mikirchang tea garden te thakai manuh ase. Dip Rawtia aro konuba sathi khan jungle te firewood loboli jai thaka samai jungle elephant para toh hamla korishe. Tai laga sathi khan toh pulaboli parishe, hoilebi Dip Rawtia ke hamla korikena jaga te morishe koishe. Olop thaka beche, tai laga ghor manuh logot bosti manuh jaikena Dip Rawtia laga body toh jungle para loikena ahishe. Golaghat district te manuh aro elephant majot te incident toh samai-samai te hoi thaki koishe. June 2020 saal te be, Golaghat district, Aitopnia Miri gaon te jungle elephant bosti pihtor te ahikena Mridujyoti Bora koikena tai ke morishe aro ghor besi beya korishe. Etu samai 45-50 jungle elephants para bosti te betel nut trees, banana trees aro agricultural crops neshina besi beya korishe.
Bokakhat te elephant para 10 saal bacha ke moraishe
