June 11, 2021. Centre para Arunachal Pradesh State ke Covid-19 bemar thaka samai management aro manuh khan oper te elaj koriboli aro positive cases besi othi-thaka nemite medical saman thishe koishe. Thursday din Union minister of state for youth affairs & sports Kiren Rijiju para etu saman toh Itanagar laga officials hath te thishe. Saman deya pithor te 1,40,000 RT-PCR testing kits, 5,150 oximeters, 10 oxygen cylinders, 10 oxygen concentrators aro 50 oxygen masks aro tubes samil ase. Centre para aro 250 vials of Parihep aro Encoxel injections logot clinically tested polyherbal drug, AYUSH-64 aro Ayurveda immunity boosting tawai thishe. Arunachal government para Covid-19 bemar toh besi bhal para elaj kori ase hoilebi state te positive cases toh besi othi ase koishe. Arunachal Pradesh te 24 gonda pithor te sob melaikena 247 jun logot Covid-19 positive thurishe. Etu melaikena state te positive cases toh 30,494 hoishe aro 3,518 active cases ase. Etu bemari para aro tui(2) jun morishe, itya sob melaikena 130 jun morikena ase.
Arunachal Pradesh ke Centre para motob thishe
