June 12, 2021. YouTuber Paras Singh logot Chief Judicial Magistrate (CJM) Court, Yupia Arunachal Pradesh, para bail junaishe koishe. Paras Singh ke personal bond Rs 10,000 te bail thishe aro tai ke desh jarikena najaboli koish. “21 umer YouTuber ke judicial custody para jarishe aro tai Ludhiana te wabas jaboli ase, koikena Arunachal Pradesh Director General Police RP Upadhyaya para khobor toh janaishe. Paras Singh oper te MLA Ninong Ering para FIR case regisitered rokikena thaka te bail junaishe. Paras Singh ke Arunachal Pradesh Police para May 26 darik te Ludhiana, Punjab te thurikena Arunachal Pradesh te loikena ahishe. YouTuber Paras Singh para Arunachal Pradesh MLA Ninong Ering logot Chinese’ mathishe. Arunachal Pradesh MLA Ninong Ering ke ‘Chinese’ matha oper te YouTuber Paras Singh para aro tai laga YouTube channel video te Arunachal Pradesh toh kineka India te ase koikena thakishe. Arunachal Pradesh police para Paras Singh logot kotha kora beche, tai para etu kotha video te kowa nemite cases registered korishe. Tai para etu kotha toh views besi bapoli aro tai laga income othiboli nemite kam kora ase koishe. HMLA’s letter te PUBG game toh ban koriboli kowa te tai laga bapana te income rasta loss hoboli bapana te koishe. “tai laga videos besi wala toh poisa nemite bona ase,” koikena SP of Special Investigating Team, Rohit Rajbir Singh para janaishe. Paras laga video para ek moina te Rs 20000 – 25000 kamai koishe. YouTube video te Paras Singh para Ninong Ering laga nationality hotishe aro Arunachal Pradesh MLA toh saboli Indian manuh neshina nahoi koishe. Etu oper te tai para Ninong Ering nam toh Indian nam neshina nalaki koishe.
CJM Court para YouTuber ke bail junaishe
