June 13, 2021. Saturday din te Shillong-based senior journalist Mehraj Sameer Sohliya, besi din bemar hoikena morishe. Tai laga umer toh 46 thakishe aro tai para jarikena jowa toh maiki aro tui(2) chokri ase koishe. Tai laga ghor manuh para Northeast Now logot koishe ke, journalist toh olop din akhe te Nazareth Hospital para olaikena thakishe. Saturday sam tai laga ghor Shillong te morishe koishe. Sohliya toh Guwahati te English daily published kora te kam kori thakishe aro tai toh Shillong Press Club laga ekta active member thakishe. Meghalaya chief minister Conrad K Sangma para journalist mora khobor honikena mon duhk howa janaishe. Chief Minister Sangma para Sohliya laga ghor manuh khan logot saman korishe. Journalist fraternity aro dosura para be Meghalaya laga journalist ek jun ajanak mora nemite mon dukh howa janaishe. Members of Shillong Press Club para be senior journalist mora oper te besi tangor mon jokom howa janaishe.
Shillong laga senior journalist morishe
