MP te 1st ‘Green Fungus’ cases thurishe

New Delhi: Covid bemari para bhal kora manuh ek jun logot ‘Green Fungus’ bemar thurishe aro etu neshina case toh desh te 1^st case ase koikena, senior doctor ekta para reporter logot janaishe. ‘Green Fungus’ bemar toh of black, white aro yellow fungus beche sobse notun bemar ase”, etu nemite jowa moina AIIMS chief Randeep Guleria para etu bemar oper te “confusion” nahoboli warned thikena ase koishe. Sobse notun bemar toh Aspergillosis ase aro fungus nemite besi research koriboli lage, koikena Sri Aurobindo Institute of Medical Sciences (SAIMS) Indore laga head Department of Chest Diseases, Dr Ravi Dosi para janaishe. Aspergillosis bemar toh besi komti ase aro etu para lungs beya kori dey koishe. 34 umer bemari manuh kaun tui(2) akhe Covid logot larai kori thakina bhal hoishe, tai logot nosebleeds aro fever hoishe, tai logot deadly Black Fungus/mucormycosi suspect korishe. Hoilebi, test kora beche, ‘Green Fungus’ ase koikena Dr Dosi para koishe. Tai para aro koishe, fungus toh desh te 1^st case report kora ase aro etu bemar para lungs,  sinuses aro blood beya kori dey koishe. 1^st manuh logot Indore te Green fungus thura beche Mumbai te elaj nemite air ambulance para loikena jaishe. Olop din akhe te tai COVID-19 bhal hoikena thaka ase aro tai logot black fungus suspect kora nemite test loishe. Doctor para aro koishe ke, ‘Green Fungus’ toh Black Fungus para besi alag ase. Delhi AIIMS laga chief Dr Guleria para jowa moina “confusion” nahoboli warned korikena ase. Black Fungus toh 1^st coloured bemar ase koikena khobor paishe, etu bemar toh besi rare ase hoilebi etu para manuh morijai aro bemari ase koikena junaishe. Doctor para koishe ke, etu bemar para face, nose, orbit eye aro brain beya korikena antha be hoijai aro lungs te be spread hoi koishe.