Delhi Police para Deep Sidhu oper te charge sheet

June 17, 2021. Thursday din Delhi Police para actor-activist Deep Sidhu aro dosura khan para Republic Day violence case kelaaf te supplementary charge sheet korishe koishe. Chief Metropolitan Magistrate Gajendra Singh Nagar para etu order toh fresh charge sheet te June 19 darik 2 pm te order toh pass koriboli ase koishe. “etu cases laga investigating officer para witnesses kuan khan besi tangor jokom paishe aro kaun manuh khan para bantok loishe, etu khan laga nam toh janai thiboli ase,” koikena court para koishe. January 26 darik te, protest kora farmers khan para police logot tractor rally samai larai korishe. Farmers khan para etu protest toh tinta(3) farm laws kelaaf te korishe aro tai khan Red Fort te jaikena police manuh khan be besi jun jokom hoishe. Crime Branch ke etu case toh investigate koriboli thishe. May 17 darik te 224-page charge sheet filed korikena 16 manuh pithor te Sidhu samil hoikena thuriboli janaishe. Sidhu toh etu jamila ola te main manuh thaka nemite, tai ke February 9 darik te thurishe. Police para aro tai ke Red fort te jamila kora nemite thurishe koishe.