Ahmedabad: Gujarat te Narcotics Control Bureau (NCB) para Thursday din te 7 jun manuh ke thurishe koishe. Etu manuh khan para 994 gm mephedrone, banned psychotropic saman Rs 1 crore laga daam toh hath te thaka nemite thurishe, koikena Thursday din officials para khobor toh janaishe. Khobor thaka nemite NCB team para drug suppliers aro buyers khan ke Vadodara city osor te kotha melai thaka samai jaikena thurishe, koikena NCB’s Ahmedabad unit SK Mishra para junaishe. Komti hoilebi 7 jun pithor te tui(2) jun maiki manuh samil thaka toh thurishe. Etu samai tai khan laga hath te 994 gm mephedrone paishe, khobor para aro koishe ke, team para aro etu manuh khan laga hath te 7.5 lakh poisa toh cash te aro tin(3) gari be thurishe koishe. Etu manuh khan toh Gujarat state te alag-alag jaga te boha manuh ase. Suspect hesab te etu drugs toh osor state Maharashtra para aniya laga ase koikena Mr Mishra para khobor toh aro janaishe.
Add Comment