MP High Court te 6 notun Judges junishe

New Delhi: Friday din Madhya Pradesh High Court te 6 notun judges junaishe, koikena law minister para janaishe aro etu oper te Gauhati High Court nemite notun additional judge be junaishe, etu khobor toh dosura alag notification te Department of Justice para janaishe. Notification te janaishe ke, Anil Verma, Arun Kumar Sharma, Satyendra Kumar Singh, Sunita Yadav, Deepak Kumar Agarwal and Rajendra Kumar (Verma) toh seniority hesab te Madhya Pradesh High Court laga judges thakibo aro tai khan para nejor laga office te charge toh junai din para bokibo. Etu 6 jun judges toh judicial services para othaishe. the Department of Justice laga website data hesab te June 1 darik dak te Madhya Pradesh High Court te sanctioned kora toh 53 judges hoboli lage, hoilebi 24 judges para kam kori thakishe aro 29 komti thaka ase koishe. Dosura notification ekta te aro janaishe ke, Robin Phukan ke Gauhati High Court te additional judge junaishe aro tai para office te kam kora din para loikena tui(2) saal nemite junaishe koishe.