June 19, 2021. High School Leaving Certificate (HSLC) and Higher Secondary final year examinations toh cancelled hoishe, koikena Friday din Assam Education Minister Ranuj Pegu para junaishe. Assam Education Department para janaishe ke, tuita(2) committees bonaikena modalities of evaluation saboli ase koishe. Ekta committee para HSLC exam nemite modalities of evaluation sabo aro dosura committee para para HS exams laga modalities oper te kam koribo koishe. Etu tuita committees logot modalities toh ek hafta pithor te submit koriboli janaishe. HSLC (class 10), HS final year (class 12) aro High Madrassa result toh July 31 darik te junaboli koishe. Etu fesla toh State laga alag-alag students, AASU aro Assam Sahitya Sabha meeting thaka beche janaishe. Assam te HSLC (class 10), HS final year (class 12) aro High Madrassa exams toh COVID-19 halat nemite cancelled korishe. Olop din akhe te Assam health minister Keshab Mahanta para koishe ke, “itya laga Covid-19 halat nemite HSLC aro HS examinations toh loboli naparibo.” Etu akhe te Assam te konuba students khan para Supreme Court te petition filed kora te HSLC aro HS examinations toh Covid-19 bemari nemite cancel koriboli koikena thakishe.
Assam te HSLC, HS aro High Madrassa exams cancelled
