June 19, 2021. Manipur te COVID-19 Delta variant toh 18 cases neshina thurikena ase. Etu laga khobor toh Friday din Manipur Chief Minister N Biren Singh para junaishe. CM Biren Singh para janaishe ke, Hyderabad te laboratory testing kora beche COVID-19 Delta variant toh 18 cases neshina paishe. Tai koishe, Hyderabad te 20 samples putaishe aro 18 cases toh COVID-19 Delta variant paishe. Etu khobor powa beche state toh besi alarm te ase aro CM Biren Singh para koishe ke, aro dosura samples toh examine kori ase. Manipur Chief Minister koishe, “Manipur te Covid-19 Delta variant cases toh paishe. Manipur laga 20 samples Hyderabad lab te examine koriboli puta te 18 cases toh Delta variant khobor paishe, itya aro dosura samples test kori ase.” State laga manuh khan logot “government para Sop bonaikena thaka toh maniboli janaishe”, CM Biren Singh para koishe, Delta variant elaj nemite ghor te bemar manuh isolation te thaka khan ke extra tawai thiboli janaishe. Etu samai, Manipur Government para janaishe ke, “Delta variant toh alpha variant logot be joldi wala spread kori, etu nemite hotai samai ghor te mask jolaikena COVID hoshari neum toh ghor te thaka manuh sob para COVID-19 positive bemar osor te maniboli lage.” Friday din Manipur te 603 notun COVID-19 cases thurishe, etu melaikena state te itya active cases toh 9246 hoishe. Etu samai State te aro COVID-19 bemar para 12 jun mora khobor paishe. Manipur state te COVID-19 bemar para 1033 manuh morikena ase aro Manipur laga bemar bhal howa rate toh 83.67% te ase janaishe.
Manipur te 18 Delta variant COVID-19 cases thurishe
