June 19, 2021. Mizoram government para lockdown toh konuba relaxations thakina aro 10 nemite othaishe. State te Cobid-19 cases besi othi-thaka nemite aro June 30 darik 4 AM dak thakibo koishe. Itya laga lockdown toh June 21 darik 4 AM te kotom hoboli thaka ase koishe. Order hesab te, Aizawl Municipal Corporation (AMC) jaga te manuh khan ke lockdown samai ghor nahoile compound te olaboli mana korishe. AMC jaga bahar te, Deputy Commissioners para restrictions toh AMC jaga toh saikena Covid-19 halat hesab te khobor toh janai thibo, koikena order te koishe. Vegetable aro meat markets toh kali Friday 5am para 5 pm dak kuliboli thibo koishe. Dosura dukan toh tuita(2) A aro B bak korikena local level task forces aro district administrations para kam toh saboli koishe. Group A te dukan toh Tuesday din te kulibo aro group B toh Friday din AMC jaga te kulibo, koikena order te janaishe. Hospitals, nursing homes, clinics, laboratories, pharmacies, dispensaries, bank aro non-banking financial institutions, post offices, filling stations, LPG storehouses, fair price shop, animal feed store, aro dosura nemite lockdown samai bondh nathakibo koishe.
