June 19, 2021. Tripura government para aro Covid19 curfew toh 12 urban local bodies aro Agartala Municipal Corporation (AMC) te othaishe, etu curfew toh June 19 darik 2 PM para June 26 darik dak thakiboli janaishe. Agartala Municipal Corporation (AMC) jarikena, dosura 9 Municipal councils te curfew otha jaga toh- Mohanpur, Ranirbazar, Udaipur, Bishalgarh, Kumarghat, Kailashahar, Khowai, Belonia, Santirbazar aro tuita(2) Nagar Panchayats toh Jirania aro Panisagar ase koikena janaishe. Covid19 curfew toh toh first May 16 darik AMC te junaishe aro etu jaga laga 6 civic bodies te curfew toh Friday pujur 6 AM dak thakishe. Thursday din te revenue department para notification ekta issue kora te, Covid19 curfew toh June 19 darik 2 PM para June 26 darik 5 AM dak thakiboli janaishe. Shop owners khan social distancing thakibo aro customers khan mask lakaina peraboli koishe. Shopping malls aro market complexes toh bondh thakibo. Bazaar committees para social distancing sabo nemite volunteers rakiboli koishe. Government gari jarikena dosura gari toh essential saman nemite 5 AM para 2 PM dak perabo. Hoilebi etu restriction toh 2 PM beche medical saman nemite te bondh nathakibo. Notification te koishe ke, MGNREGAs pithor te kam kori thaka toh COVID hoshari neum be strict para maniboli koishe. Dukan neshina repair materials & spare parts, electrician, motor mechanic, aro ghor saman dukan toh curfew samai 5 PM dak kuliboli koishe. Government aro non-government offices toh 4PM dak 50% attendance te kulibo. Government offices toh restrictions order pithor te kam koribo. Manuh jama kora neshina – social, political, entertainment, religious, academic, cultural, fair, festival-related congregation toh bondh thakibo. Movie halls, multiplexes, shopping complex, malls, gymnasium, pool, beauty parlours, barbershops, sports complexes aro stadium, Entertainment parks, bars aro Auditorium, Assembly halls, aro etu neshina jaga toh hotai bodnh thakibo.
Tripura govt para 12 urban jaga te curfew junaishe
