June 19, 2021. Congress para Mariani MLA Rup Jyoti Kurmi ke “anti-party” activities nemite party laga primary membership para hataishe koishe. Friday din Assam Pradesh Congress Committee (APCC) para order issue kora te janaishe ke, Kumar oper te fesla toh All India Congress Committee (AICC) para manishe. Friday din Kurmi para tai laga resignation letter te Mariani MLA para resign kora toh Assam Legislative Assembly Speaker Biswajit Daimary logot thishe aro Congress jarikena BJP te samil koriboli ase janaishe. “Shri Rupjyoti Kurmi, MLA, Mariani LAC, para anti party activities kora nemite Indian National Congress laga Primary Membership para hatai ase aro etu fesla toh All India Congress Committee para manishe,” koikena APCC president Ripun Bora para order issue kora te janaishe. Rup Jyoti Kurmi para tai laga resignation letter toh Assembly Speaker logot submit kora beche, tai BJP te join koriboli ase koishe. Lakhimpur te function ekta thaka samai Kurmi para tai June 21 darik din BJP te join koribo janaishe. Kurmi para BJP te join koriboli bapana junai deya beche, Congress leadership neje jaishe aro Assam chief minister Himanta Biswa Sarma para kushi powa janaishe aro tai oper te nam othaishe. Etu samai APCC president aro Rajya Sabha member Ripun Bora para committee ekta bonaikena Mariani Assembly constituency te joldi visit korikena political halat toh saboli koishe, etu toh Kurmi para BJP te join koriboli fesla kora nemite ase koishe. “committee para constituency visit korikena Congress party office-bearers of BCC, MCC, Panchayat representatives, etc. aro Mariani LAC te Congress workers khan logot kotha koribo,” koikena dosura statement te APCC para janaishe. Etu committee te chairman toh Rana Goswami ase aro MLAs Sushanta Borgohain & Manoj Dhanowar toh members thakibo koishe.
