Agencies, 05 October: Friday deh Indian Super League deh Kerala Blasters aro Mumbai City toh Jawaharlal Nehru Stadium de khela thakise. Etu time de tuita team be 1-1 pora draw howah thakise. Kerala Blasters laga khelari Halicharan Narzary pora 24 minute de goal thala bechide khel jetibole thakise. Kelay koile Narxary pora goal thala bechide kun pora be aro goal thalibole na-pari kena thaga karni. Hoilebe last minute extra time de khelari Pranjal Bhumiji pora Mumbai City nemide goal thala karni draw hoise. Kerala Blasters nemide etu par draw hoise koile be eman dekthari nahobo. Kelay koile tai khan opening match ATK logode khela 2-0 pora jeti kena thaga karni. Hoilebe Mumbai City khan nemide ektum phal nai. Kelay koile tai khan suru khel Jamshedpur logode khela 0-2 pora hari kena thaga karni. Points table deh NorthEast United 4 points pora top de ase. Kerala Blaster aro Mumbai City points table de 3rd aro 9th de ase. Kerala Blasters next Delhi Dynamos logode kelibole ase aro Mumbai City toh Pune City logode khelibole ase.
Kerala Blasters aro Mumbai City draw hoise
Add Comment