June 20, 2021. Union ministry of science aro technology pithor te department of biotechnology (DBT) para Northeast jaga te mission programme ekta ‘Biotech-Krishi Innovation Science Application Network (Biotech-KISAN)’ koikena special bapana korikena saboli ase aro etu para Northeast jaga te agricultural kam toh othaboli koishe. Department laga programme hesab te Northeast te farmers khan laga dukh toh janikena scientific para motob koribo. Biotech-KISAN toh Northeast te bonaikena innovative agriculture technologies toh link koribo aro farms te marginal farmers aro maiki manuh ke motob thibo. Biotech-KISAN toh scientist-farmer partnership scheme ase aro etu 2017 saal te agriculture innovation nemite bonaishe aro etu laga bpana toh science laboratories aro farmers khan pithor te connect korikena innovative solutions aro technologies toh farm level te jolaboli nemite ase koishe. Etu laga scheme pithor te, itya dak 146 Biotech-KISAN hubs toh desh pura te 15 agroclimatic jaga te aro 110 aspirational districts te bonaiken ase koishe. Etu scheme para 2 lakh farmers khan ke motob korikena ase aro tai khan laga agriculture output aro income besi othai-thikena ase koishe. 200 oper entrepreneurships be rural jaga te bonaikena ase. “etu scheme toh besi bakh toh Northeast jaga te sai ase aro etu jaga te 70 per cent neshina toh agriculture aro allied sector te jevan thakibo nemite kam kori ase,” koikena department para janaishe. Desh pura laga food grain pithor te Northeast jaga te kali 1.5 per cent ekla olai ase, etu nemite itya be bahar desh laga food grains he jolai ase koishe.
Centre: Northeast farmers ke agriculture technologies thibo
