June 20, 2021. Assam chief minister Himanta Biswa Sarma para opposition MLAs logot ruling BJP te join koriboli koishe. Sarma para etu kotha kowa toh hoile, four-time Congress MLA Rupjyoti Kurmi para tai BJP te join koriboli bapana ase janai deya beche ase. Mariani constituency MLA Kurmi para junaishe ke, tai Monday din Guwahati te chief minister osor te BJP te join koriboli ase. “tai khan 5 saal opposition te bohi thakile ke hobo? Ami laga bapana toh tai khan be join hoboli lage. Ami khan manuh nemite caste, creed aro religion nasaikena kam kori ase. Etu nemite tai khan (opposition members) sob be ami khan logot ahikena public nemite kam koriboli lage,” koikena Sarma para janaishe. Kurmi para tai party te resign kora samai, tai para Congress leadership laga organization toh besi kumjur hoishe, keli koile etu leaders khan para dosura purana manuh laga kotha nahona nemite”. Etu paar Assembly election result toh testimony ase ke, 5 states te be kamyaab powa nai, etu samai election toh March aro April moina te loishe, koikena tai para janaishe.
CM Sarma para opposition MLAs ke BJP te matishe
