June 21, 2021. Northeast Frontier Railways (NRF) para tuita(2) trains Guwahati para Bikaner aro Guwahati para Barmer dak June moina te passengers rush howa nemite peraboli ase koishe. Guwahati- Bikaner junction weekly special toh June 26 darik te Guwahati para 10:45 am hotai Saturday te jarikena Bikaner toh tin(3) din wala 5:50 am samai pongchibo. Bikaner junction – Guwahati weekly special toh July 3 darik te Bikaner junction para 1:45 am hotai Wednesday din soruh hoikena tin(3) din wala Guwahati 12:35 am pongchibo. Guwahati – Barmer weekly special toh July 1 darik para Guwahati 10:45 am hotai Thursday jabo aro Barmer 8:25 am samai tin(3) din wala te pongchibo. Barmer – Guwahati weekly special toh July 4 darik para soruh hobo, Barmer para hotai Sunday 11:35 pm jara toh 4 din wala te Guwahati 12:35 am te pongchibo. Etu oper te alag-alag passenger trains services toh July moina te aro pera soruh koribo koishe. Itya dak 62 pairs specials mail/express trains aro 5 pairs local passenger trains toh hotai din NFR jaga majot te perai ase. NFR para aro extra 10 pairs specials mail/express trains kuliboli ase janaishe.
