June 21, 2021. Dibrugarh, Assam Medical College and Hospital (AMCH) te black fungus bemari first case thurishe koishe, etu bemar logot Mucormycosis be koikena jani ase. Saturday din Assam Medical College and Hospital (AMCH) te black fungus case toh thurishe koishe. Assam te Guwahati aro Silchar beche, black fungus bemar thura toh 3rd case ase koishe. Etu Black fungus toh Assam Medical College and Hospital (AMCH) te Covid-19 bemari manuh ek jun logot thurishe. June 15 darik te Lakhimpur district para 47 umer motha ek jun toh AMCH te admitted korishe aro tai toh Medicine Unit-1 te elaj kori thakishe. AMCH principal aro chief superintendent Dr Sanjeeb Kakati para koishe ke, etu bemar manuh toh advanced elaj pithor te ase aro doctors team ekta para tai laga halat toh sai ase. “Assam Medical College & Hospital te etu black fungus bemari case toh first ase. Bemar manuh toh June 15 darik te admitted hoishe. Olop din akhe, tai toh North Lakhimpur Civil Hospital te Covid-19 elaj kori thakishe. Tai toh Covid-19 bemar issue te saas aro matha beka thakishe,” koikena Dr Kakati para janaishe. May 29 darik te 42 umer ek jun Silchar Medical College aro Hospital te Covid para bemar thaka toh black fungus thurishe. “tai laga eyes ekta toh swollen aro red hoishe. Tai toh diabetic patient aro blood sugar level toh besi high thakishe. Doctors khan para CT scan loishe aro ENT professors para nasal endoscopy aro swab toh collect korishe,” Kakati para koishe. “microbiology reports toh Sunday 10 Pm te ahishe aro etu manuh logot black fungus ase koikena khobor toh paishe,” tai koishe. State government para black fungus toh notifiable disease ase koikena junai thikena ase, eu nemite healthcare units sob te etu neshina cases toh government authorities logot janai thiboli koishe.
