June 21, 2021. Tangor kam ekta kora te Sikkim Government para society pithor te dukai manuh ke motob kora te 50 students khan ke free MBBS education thiboli fesla loishe koishe. Etu nemite Sikkim Government para Manipal Institute of Medical Sciences logot agreement ekta bonaishe. Society te dukai te thaki-thaka sob melaikena 50 students kaun khan para medical sciences te kam koriboli monjur ase, etu students khan ke saikena Manipal Institute of Medical Sciences te free para study koriboli thibo koishe. Etu khobor toh Principal Secretary para Sikkim Chief Minister Jacob Khaling logot janai thishe koishe. Khaling para koishe ke, “Sikkim te bosti besi para students khan medical professionals hoboli mon ase, hoilebi taii khan poisa nemite besi duhk te ase.” “Sikkim Government para etu neshina students pesarikena tai khan laga sopuna toh hosa para Manipal te free MBBS education thibo,” koikena Khaling para janaishe. Khobor powa hesab te, Manipal Institute of Medical Sciences para hotai saal 30 students ke MBBS education dey ase. Etu fesla kora te State te medical sciences education te students besi manuh ke aro loboli ase koishe aro itya COVID-19 bemamri thaka samai State te healthcare workers khan besi duhk hoi thaka nemite ase koishe.
Sikkim: 50 students ke free MBBS education thibo
