June 21, 2021. NDFB rebels surrendered hoikena thaka khan ke etu saal September moina dak te nokri thiboli ase koishe. Etu khobor toh Sunday din Assam IGP (Special Branch) – Hiren Nath para junaishe. NDBF laga 4 group members kaun khan para bantok neji korikena mainstream te ahishe, etu manuh khan logot etu saal September moina dak te nokri thiboli ase, IGP Hiren Nath para koishe. Kokrajhar te media manuh logot kotha kora samai, BTR aro dosura Assam jaga te ““Skill development for self-employment of youths” koikena inaugural function thakibo. Hiren Nath para koishe ke, etu kam nemite NDFB members logot nokri thiboli toh kam kori ase. Hiren Nath para aro janaishe, nokri kam kori thaka toh itya COVID-19 bemar thaka nemite thiri hoikena ase. Tai koishe, “1429 NDFB cadres neshina khan logot Government of Assam para rehabilitation nemite Rs 4 lakh manuh sob logot thikena ase aro etu kam nemite Rs. 160 crore sanction korikena ase. Nath para aro koishe ke, NDFB members khan ke special pre-recruitment training thakibo aro tai khan ke alag-alag para military forces te nokri thiboli ase. “jodi etu members khan fit hoikena para military forces te criteria monjur hoile, etu manuh khan ke alag-alag units te lobo aro dosura members khan fit nathakile, tai khan ke alag kam te nokri thibo,” koikena Assam IGP Hien Nath para khobor toh janaishe. Tai para aro koishe ke, NDFB members oper te case pending thakai khan nemite te etu kam te withdraw koribo koishe.
September te surrendered NDFB rebels ke kam thibo
