June 24, 2021. Arunachal Pradesh, Changlang district te Security forces khan para NSCN-IM laga tui(2) jun over ground workers (OGWs) ke tea garden officials logot poisa othaboli kora samai te thurishe koishe. Etu over ground workers (OGWs) tui(2) jun manuh laga nam toh Baitu Youngja (51) umer aro Chakngam Kongkang (30) umer ke June 21 aro June 22 darik te Rangkatu Tea Estate jaga para thurishe koishe. Etu samai Baitu Youngja para tea garden te manager logot NSCN-IM self-styled area commander ase koikena poisa othai thakishe aro Chakngam Kongkang ke toh Rs 2 lakh demand note thurikena tea garden officials ke poisa toh demand kori thakishe. Ekta motorcycle aro mobile phone toh Kongkang laga hath para thurishe, koikena officials khan para janaishe. Changlang SP Mihin Gambo para koishe ke, etu tuita(2) OGWs khan para NSCN laga nam loikena public khan logot poisa mangkina parai ase koishe. “Changlang Police station te tai jun oper te criminal case registered korishe aro etu kam nemite investigation jai ase,” koikena SP para aro khobor toh janaishe.
Arunachal Pradesh: 2 NSCN-IM cadres ke thurishe
