June 25, 2021. Thursday din Arunachal Pradesh te Covishield vaccine toh Centre laga hath para pongchise koishe. Thursday din Lilabari Airport, Assam’s North Lakhimpur te sob melaikena 28,320 vaccines doses toh pongchise aro etu jaga para osor Arunachal Pradesh State te loikena jaishe. Chief minister Pema Khandu para Twitter te Centre logot State te positive cases othi-thaka samai vaccine puta toh besi kushi paishe aro dunyawad junaishe. Etu samai Chief minister Pema Khandu para State laga manuh logot Covid-19 hoshari neum toh besi strict para maniboli janaishe. Etu samai, Thursday din Arunachal Pradesh te 298 manuh logot Covid-19 bemar positive tested paishe, sob melaikena state te Covid-19 bemar toh 34,214 cases hoikena ase koishe. Etu virus bemar para tui(2) jun mora khobor powa te Arunachal Pradesh te sob melaikena 162 manuh morikena ase. Itya dak State te 2,565 active cases hoikena ase koishe.
Arunachal te 28,320 Covishield vaccine doses pongchise
