June 25, 2021. Arunachal Pradesh government para Papum Pare district, Chimpu te MLA apartment complex toh specialized hospital hoboli bapana te ase koishe. Itya MLA apartment complex toh Dedicated Covid Hospital neshina 120 beds thakina bemar manuh ke elaj kori ase. Chief minister Pema Khandu para apartment complex visit kora samai koishe ke, state government para etu jaga toh specialized hospital bonabo aro latest medical infrastructure aro technology rakiboli janaishe. Chief minister para aro medical personnel aro health workers khan logot kotha korikena Covid-19 bemar manuh ke elaj kora samai ke duhk ase etu nemite sob kotha korishe. Tai koishe ke, etu medical manuh khan para nejor laga jevan risk loikena Covid-19 bemari manuh khan logot sai ase, koikena janaishe. “health workers besi jun para tai khan samai toh families oper te sacrifice korikena bemar manuh ke elaj kori ase. Etu nemite tai khan laga sacrifices toh loss koriboli nathibo,” koikena Khandu para koishe.
MLA complex toh specialized hospital bonaboli ase
