June 25, 2021. Aaranyak ke motob korikena David Shepherd Wildlife Foundation aro Manas Tiger Reserve Authority para Manas National Park te forest department pithor te kam kori thaka frontline staff khan logot bicycles thishe koishe. Aaranyak toh ekta tangor Northeast India te biodiversity conservation organization ase, tai khan para koishe ke, frontline staff kaun khan ke bicycles gifted thishe, etu manuh khan para Manas National Park te wildlife pajaboli nemite besi bhal kori kam sai ase. Etu programme toh Magurjani Anti-Poaching Camp, Kahitema Beat pithor Manas National Park, Bansbari Range Office te thakishe. Frontline staff khan logot bicycles toh Raghunath Boro, former deputy director of Manas Tiger Reserve (MTR), Babul Brahma, in-charge of Bansbari Range Office (RO), Rindao Basumatary, secretary of United Social Welfare Society (USWS) and Motilal Basumatary, president, USWS osor te thishe. Prosenjit Sheel, Bijeet Baro, Mizing Baro, Gayatri Dutta, Ajay Basumatary and Pankaj Das, Aaranyak para ase, etu manuh khan be Programme samai thakishe. Frontline staff khan para besi kushi powa janaishe aro bicycles powa beche koishe ke, “itya ami khan laga camp pongchiboli 2-3 gonda peraboli kam nai aro marketing jaboli be besi asani hoishe”. Tai para aro janaishe ke, bicycles toh patrolling samai be joboli paribo. “besi saal Aaranyak para frontline staff khan important kam kora janikena ase aro Assam te tai khan para wildlife toh pachaikena raki ase,” koikena biodiversity conservation organization para koishe. “etu kam nemite United Social Welfare Society, Kahitama logot kotha korikena Aaranyak para frontline staff kaun khan Kahitema Beat te wildlife sai ase, etu khan nemite motob thiboli kam kori ase,” koikena aro khobor toh janaishe.
Manas National Park frontline staff ke Aaranyak para bicycles donate
