June 25, 2021. Tripura Tribal Area Autonomous District Council (TTAADC) administration khan para sob melaikena 5983 Jhumia families kaun khan Council jaga pithor te bohi ase etu manuh khan ke Rs 3000 poisa thiboli fesla korishe. TTAADC laga Deputy chief executive member, Animesh Debbarma para koishe ke, Council jaga pithor te Jhumia families bohi thaka khan logot poisa para motob thiboli bapana ase. Bapana korikena sob melaikena 5983 Jhumia families kuan khan para jungles sapa kora, sowing seeds aro jhum harvesting kam kori ase, tai khan logot Rs 3000 thiboli fesla korishe. TTAADC Deputy CEM para koishe ke, Tripura government’s Tribal Welfare department logot kam toh saikena etu families khan ke poisa toh thiboli janaishe. Dosura khobor ekta te, TTAADC’s Chief Executive Member (CEM) Purna Chandra Jamatia para koishe, Council khan para Council jaga pithor te police personnel ke recruit koriboli bapana te kori ase koishe. Tai koishe ke, district council aro bhal hoboli nemite central government logot 15 proposals thikena ase. Tripura government para TTAADC budget financial year 2020-21 nemite Rs 577.23 crore sanctioned korikena ase koishe.
5983 Jhumia families ke Rs 3000 thiboli fesla
