New Delhi: East Delhi’s Mansarovar Park jaga te tin(3) jun manuh para MCD officers neshina hoikena dukan te poisa othai thaka samai thurishe, koikena Sunday din police para khobor toh janaishe. Etu manuh khan laga nam toh Omparkash (55) umer aro Seelampur jaga para ase, Vikas Panchal tai toh Ram Nagar Extension, Mandoli Road laga manuh ase aro Sandeep Garg, Shahdara te boha manuh ase koishe. Etu tin(3) jun toh pulai MCD aro BSES te contract hesab te kam kori thakishe, koikena police para koishe. Saturday din Satender Sharma koikena tai para complaint kora hesab te etu tin(3) jun toh municipal corporation officers ase koikena tai laga dukan East Nathu colony, Mandoli Road te ahikena trade license thikaboli koishe, koikena senior police para koishe. Etu beche tai khan para action loboli nemite thmki thishe aro fesla koribo nemite poisa Rs, 3,000 mangkishe, tai para poisa toh thishe koishe. Sharma logot olop suspect thaka nemite tai khan laga identity cards thikaboli koishe, etu nemite jamila olaikena tin(3) jun toh pulaboli olaishe. Sharma aro dosura dukan manuh laga motob te Omparkash ke thurikena police logot thishe, koikena officer para khobor toh janaishe. Interrogation kora samai, Omparkash para koishe ke, tai laga sathi Kumar aro Garg para MCD officials neshina bonaikena dukan laga trade and dosura licences check hoikena poisa othaikena perai thakishe koishe. Etu beche checking kora samai tai khan laga kam nemite etu manuh khan ke thurishe koikena police para koishe.
Add Comment