Jawaharlal Nehru Port Trust te 879 Crore Heroin thurishe

Mumbai: DRI para heroin 300 kg aro etu laga daam toh Rs 879 crore neshina Afghanistan para smuggled koro toh etu laga connection te 1 jun manuh ke Jawaharlal Nehru Port Trust (JNPT) neighbouring Raigad district te thurishe, koikena Sunday din officials para khobor toh janaishe. Etu contraband saman toh Thursday din thura ase aro desh te ekta sobse tangor thura khobor ase koikena koishe. Etu heroin toh Afghanistan hoikena Iran laga thura ase aro etu gypsum stone aro talcum powder ase koikena Directorate of Revenue Intelligence (DRI) officials para koishe. Etu import export code toh Prabhjot Singh nam te thakishe aro saman toh Punjab te jaboli thaka ase, tai janaishe. Etu saman toh powa bech Singh ke thurishe, official para janaishe aro etu oper te thura manuh para toh gypsum stone and talcum powder toh JNPT rasta para import kori thaka toh ek saal oper para kam kori thakishe. Jowa saal August moina te, Mumbai Customs aro DRI para 191 kg heroin Rs 1,000 crore laga daam thurishe aro ‘ayurvedic medicine’ ase koikena janaishe. Besas kora te etu saman toh Afghanistan para JNPT cargo container para ahishe, koikena khobor toh janaishe.