Agra te 100 din beche zero Covid cases

Agra: 100 din thaka beche te, Agra te Covid-19 cases toh zero te ase, etu nemite medical infrastructure besi duhk hoi thaka toh olop saas loboli parishe, jowa ek-tui din akhe kali tuita nahoile tinta cases khobor thakishe. Officials laga khobor hesab te, March 2020 para loikena cases toh 25,709 thakishe aro bemar para manuh mora toh 453 khobor thakishe. Active cases laga number toh itya 63 hoikena ase. Itya dak 11,95,181 samples tested loikena ase aro bemar bhal howa rate toh 97.99 per cent te ase koishe. Jevan toh itya puila neshina olop normal te ahi ase aro restriction toh asti para hatai ase. Medical fraternity para itya dak third wave laga kotha eku nakoikena ase arp manuh khan ke government laga hoshari neum toh janai ase. Etu samai, Nemi Chand Homeopathic Hospital te doctors khan para third wave hoshari nemite free para tawai bakh kori ase. Director Pradeep Gupta para koishe ke, Covid-19 aro black fungus bemar elaj koribo nemite homeopathy tawai toh ase koishe. Hospital te besi serious bemar cases be elaj kori ase koishe. “Hoilebi, government par itya dak te dosura alag rasta para bemar elaj koribo nemite motob thikena na,” koikena,” Gupta para mon duhk te janaishe.