Mumbai: Maharashtra assembly te Monsoon Session toh aji jamila te soruh hoishe, keli koile BJP laga 12 MLAs toh ek saal nemite Speaker-in-chair logot manhandle kora te suspended korishe. Opposition Leader, Devendra Fadnavis toh be etu samai samil thakishe aro tai para etu kotha toh mesa ase koishe.” Etu sob toh khobor mesa ase, kahani bona ase, BJP kaun para be kam beya kora nai,” koikena Mr Fadnavis para media logot janaishe. “OBC (Other Backward Castes) reservations nemite, ami khan para 12 MLAs sacrifice koriboli tayar ase,” tai koishe. Opposition para House te OBC nmeite jamila korishe aro aji Speaker-in-Chair Bhaskar Jadhav para kotha koboli be samai deya nai. “Opposition leaders khan ami laga cabin te ahishe aro ami logot kotha beya para Devendra Fadnavis aro senior leader Chandrakant Patil osor te koishe. Konuba leaders khan para ami logot manhandled be korishe,” koikena Mr Jadhav para media logot janaishe. Opposition para koishe ke, Speaker-in-Chair para be leaders oper te kotha beya koishe etu nemite tai ke lok koriboli jaishe. Mr Jadhav para etu beche state’s Parliamentary Affairs minister logot etu kam toh investigate koriboli koishe. Resolution toh 12 MLAs ke ek saal suspend koriboli loishe. Etu manuh khan laga list toh Sanjay Kute, Ashish Shelar, Abhimanyu Pawar, Girish Mahajan, Atul Bhatkalkar, Parag Alavni, Harish Pimpale, Ram Satpute, Vijay Kumar Rawal, Yogesh Sagar, Narayan Kuche, Kirtikumar Bangdia ase. Leader of Sharad Pawar’s Nationalist Congress Party, Nawab Malik para Twitter te video toh post korishe aro “etu para soruh hoishe” koikena janaishe. “Thackeray government toh Taliban neshina act korishe, etu nemite ami para kam toh condemn kori ase. Ami nahoile dosura MLAs khan para Bhaskar Jadhav oper te eku kam beya kora nai,” koikena BJP MLA Ashish Shelar para janaishe. “BJP members kaun para be cabin te jowa nai aro ami tai ke maaf be koishe hoilebi tai para suspended thishe,”
Add Comment