Manipur te 863 notun cases, 14 mora khobor

July 7, 2021. Manipur  te COVID-19 halat toh besi beya hoikena jai thaka samai Tuesday din aro Manipur te COVID-19 bemar pra 14 jun mora khobor thakishe. Etu 14 jun mora melaikena itya Manipur t COVID-19 bemari para 1218 manuh morikena ase aro etu samai, state te 863 notun COVID-19 positive cases thurishe. 863 notun COVID-19 positive cases thura pithor te 838 manuh toh general public ase aro 25 toh State te bohi thaka central paramilitary forces ase. Imphal West te sobse besi 298 cases paishe, etu beche Imphal East (125),  Thoubal (76),  Churachandpur (73), Bishnupur(73), Kangpokpi (9), Kakching (96), Chandel (16) , Ukhrul (15), Senapati (9),  Tamenglong (16),  Tengnoupal (27),  Pherzawl (3),  Kamjong (1),  Noney (15) aro Jiribam (16) cases khobor ase. 863 notun cases thura te, Manipur te active cases toh 6231 te othishe. Etu samai, 592 manuh toh virus bemari para 24 gonda pithor te bhal hoishe. Manipur te itya COVID-19 recovery rate toh 89.87 per cent te ase koikena khobor para janaishe.