July 8, 2021. Kerala te Test Positivity Rate (TPR) nemite hokom bonabo aro etu samai Test Positivity Rate (TPR) komti thaka jaga te relaxation koriboli janaishe. Covid-19 review meeting ekta Chief Minister Pinarayi Vijayan para chaired korikena TPR nemite local bodies logot melikena konuba restrictions thakiboli fesla loishe. “kaut jaga te TPR 5 logot jeji ase etu category A hobo, jaga 5 para 10 dak toh category B aro jaga 10 para 15 dak toh category C, hoboli janaishe. Kaut jaga te TPR 15 oper ase, etu jaga toh category D ase,” koikena Kerala CMO para khobor toh janai thishe. A aro B category jaga te government offices toh full staffed te kam koribo aro C category te government offices te staff toh 50 per cent te kam koribo koishe. Test Positivity Rate (TPR) sobse notun te 82 local bodies toh category A te samil hobo, category B te 415, category C te 362 aro category D te 175 thakibo koishe. Etu meeting te A aro B te restaurants aro hotels kulibo fesla korishe aro etu jaga te 9:30 pm dak te home delivery aro takeaway manishe. Indoor games aro gyms neshina te osor physical contact nathaka jaga te AC te kam koriboli paribo koishe. Ventilated hall nahoile open jaga toh etu para junaibo aro ek paar te 20 jun manuh oper jama nakoriboli janaishe. COVID review meeting samai te aro fesla lowa toh tourist jaga te manuh ke bohiboli thibo, hoilebi etu samai Union Ministry of Health aro Ministry of Tourism laga guidelines hesab te standard operating neum jolaboli koishe. Etu oper te kaun manuh khan vaccine loikena ase aro RTPCR certificate ase tai khan nemite admission kula thakibo. Chief minister para aro janaishe ke, temporary employees khan ke etu stage te nahatabo lage aro sectors sob te hoshari neum toh strict te kam koriboli janaishe. Meeting samai, chief minister para Medical Education Department logot medical colleges toh kulikena food outlets te Covid standards compliant thakile saikena jaboli koishe. Tuesday din Kerala te 14,373 notun cases thurishe aro 142 mora khobor paishe, etu melaikena State 13,960 manuh bemari para morikena ase koishe. Aro sob melaikena 28,77,557 bemar bhal hoikena ase aro etu samai test loikena positivity rate toh 10.9 per cent te ase koishe.
Add Comment