Former minister PR Kumar mangalam laga wife ‘moraishe’

July 8, 2021. Former union minister late PR Kumarmangalam laga maiki toh Delhi te besi beya halat te morikena thakishe koishe. Kitty Kumar Mangalam 67 umer ke, Tuesday rathi tai laga ghor Vasant Vihar, southwest Delhi te tin(3) jun manuh para morai-thishe koishe. Preliminary inquiry khobor hesab te tai toh pillow para suffocated korikena mora ase, suspect kora hesab te tai ke lotiboli korikena morai deya ase koishe. Etu samai, Delhi police para itya dak te ek jun ke etu connection laga case nemite thurikena ase aro dosura tuita(2) suspects ke be thuriboli pesari ase janaishe. “Kitty Kumaramangalam toh, mori-jowa former Union Minister P Rangarajan Kumaramangalam laga maiki ase aro tai laga ghor Vasant Vihar te jowa rathi moraikena thakishe. Ek jun ke thurishe aro dosura tuita suspects ke thuriboli pesari ase,” koikena Deputy Commissioner of Police (Southwest) Ingit Pratap Singh para janai deya khobor toh news agency ANI para koishe. Kitty Kumaramangalam toh Supreme Court te lawyer thakishe. Tai laga motha toh Salem constituency te 1984 para 1996 saal dak aro Tiruchirapalli constituency from 1998 para 2000 dak MP thakina ahishe. Tai toh parliamentary affairs & law, justice & company affairs te 1991 aro 92 saal dak union minister thakishe aro desh laga Power Minister toh 1998 saal te thakishe.