Former Assam CM Sonowal, Union minister te oath loishe

July 8, 2021. Wednesday din te former Assam chief minister Sarbananda Sonowal toh Union minister nemite oath loishe. Tai toh Prime Minister Narendra Modi Cabinet te tui(2) paar wala junishe. President Ram Nath Kovind para Sonowal ke office te oath loishe aro Sonowal para oath toh English para loishe. Tai chief minister nakora akhe te Modi government laga 1^st term 2014-2016 saal te Union minister for sports & youth affairs thakishe. BJP leader Sonowal para aro Assam te BJP president kam be korishe. Tai toh Muluk Gaon, Dibrugarh district October 31, 1962 saal te jonom paishe aro Sonowal para Assam laga sobse tangor students’ body, All Assam Students’ Union (AASU) laga president 1992-1999 saal te thakishe. Sonowal toh Dibrugarh University pithor te BA (Honours) English te loishe aro Gauhati University Law College te LLB kotom korishe. Etu beche, Sonowal para 2001 saal te Asom Gana Parishad (AGP) joined korikena tai ke Assam Assembly te Moran constituency para MLA junishe. 2004 saal te Dibrugarh constituency para Lok Sabha election jetishe. 2009 saal te Dibrugarh para Lok Sabha election te harishe aro tai Bharatiya Janata Party (BJP) 2011 te joined korishe. Sonowal toh 2012 saal Assam BJP president hoishe. 2014 saal te tai Lok Sabha election toh Lakhimpur constituency para jetishe aro tai ke Modi Cabinet te minister junishe. Assam te 2016 saal Sonowal laga leadership pithor te BJP para Assam Assembly election jetishe. Sonowal para 2016 saal Majuli te Assembly election jetishe aro tai Assam te 1^st BJP chief minister hoishe. Etu saal Assam te BJP khan 2^nd time nemite Assembly election jetishe aro party para former health & finance minister Himanta Biswa Sarma ke Assam chief minister junishe aro Sonowal toh chief minister para resign hoishe.