Dibrugarh te 3 smugglers ke 95 cattle heads thurishe

July 8, 2021. Wednesday din police para Assam Dibrugarh district te tin(3) jun cattle smugglers thurishe aro etu samai tai khan laga hath te 95 cattle heads paishe koishe. Etu smugglers khan laga nam toh Mohammad Akhtar Raja Khan alias Tiklu Khan, Mohammad Anuwarul Haque aro Mohammad Anish Rahman. Dibrugarh te tai khan tin(3) jun oper te Indian Penal Code aro Section 8 Assam Cattle Preservation Act, 1950 pithor te case registered korishe. Dibrugarh superintendent of police Shwetank Mishra para koishe, “khobor powa nemite police team para Brahmaputra river bank osor jaga ekta check korikena 70 cattle heads paishe aro Tiklu Khan aro Mohammad Anuwarul Haque ke thurishe.” Police para aro Anish Rahman ke be thurishe aro Panchali jaga te check kora samai tai laga hath te 25 cattle heads paishe.”etu cattle toh Silapathar jaga para paani rasta te anishe. Ami para itya kotha kori ase aro tai khan oper te action loboli ase,” Mishra para janaishe. Mishra para koishe, etu manuh khan ke judicial magistrate osor te loikena jaboli ase. Khobor para janaishe ke, cattles toh Eid samai sacrifice koribo nemite anishe. “Tiklo Khan toh cattle smuggler ase aro cattles toh paani rasta para anikena besi daam te bekai thaki,” koikena khobor para janaishe. Tiklo Khan para Upper Assam te police, journalists logot lukaina cattle syndicate kam kori ase aro etu oper te documents be chor laga bonai thaki, koikena khobor para koishe. “besi paar police para cattle toh Dibrugarh te checking kora samai trucks te thuri thaki, hoilebi tai khan ke documents chor bonaikena jari thaki koishe. Olop din akhe te Assam chief minister Himanta Biswa Sarma para police department logot illegal cattles smuggling kora toh rokaboli janaikena ase.