Kohima, 08 July: Defence Technology te ekta regular M. Tech. Program toh Defence Research and Development Organisation (DRDO) aro All India Council for Technical Education (AICTE) para suru korise. Etu toh alak alak defence technology areas te zaruri theoretical & experimental knowledge, skill aro aptitude janaidebo nemite ase. Secretary Department of Defence R&D & Chairman DRDO Dr G Satheesh Reddy aro Chairman AICTE Prof Anil D Sahasrabudhe para program toh AICTE, New Delhi para ekta virtual event 08 July 2021 te lowa samai suru korise. Program para aspiring engineers khan ke tai khan laga career defence technology te suru koribole nemite motivate koribo.
Etu M. Tech. defence technology program toh kondu AICTE affiliated Institutes/Universities, IITs, NITs nahoile private engineering institutes te hoilebe lobole paribo. Institute of Defence Scientists & Technologists (IDST) para etu program lobole nemite institutes te support debo aro etu program toh online aro offline formats te lobole paribo.
Program te six specialized streams – Combat Technology, Aero Technology, Naval Technology, Communication Systems & Sensors, Directed Energy Technology and High Energy Materials Technology ase. Student khan ke be tai khan laga main thesis work DRDO laboratories, Defence PSUs & Industries te lobo nemite opai debo. Program para student khan kon defence research aro manufacturing sector te opai lobole monn ase motob howa hobo.
Raksha Mantri Shri Rajnath Singh para DRDO, AICTE & Industries te congratulate korise Defence Technology te ekta Post Graduate Program suru kora nemite. Tai para program toh Prime Minister Shri Narendra Modi para ‘AatmaNirbhar Bharat’ plan kora te kamiyab hobo nemite motob hobo koise.
Dr G Satheesh Reddy para tai laga address te, DRDO, AICTE aro industries te congratulate korise PG program ola nemite. Tai para be enaka specialized program para defence sector nemite besi talented workforce bonabole/hobole bhabona janaishe. Tai para industry leaders ke tai khan laga support toh etu program te debole koise aro students ke opai offer koribole koise.
Prof Anil D Sahasrabudhe para program suru kora te kushi powa janaishe aro etu toh defence technology te khali skilled manpower pool ola ekala nahoi kena notun defence startups aro entrepreneurs te lab howa bonabo koise. Tai para research toh day-to-day life te melibole lakiya koise kelay koile etu toh human psyche nemite fundamental howa nemite.
Chairman & Managing Director, Bharat Forge Limited Shri Babasaheb Neelkanth Kalyani para DRDO aro AICTE te etu program suru kora nemite congratulate korise aro defence technology nemite talent pool bonabole nemite kaam howa koise.
Add Comment