Myanmar te ghor bohiboli hokom junaishe

July 9, 2021. Myanmar’s military ruler para aro 14 town te Covid-19 bemari nemite ghor pihor te bohi thakiboli notun hokom junaishe. Ghor te bohiboli hokom toh Thursday din para soruh hoishe aro etu Magway township jaga te, Mon state te tinta(3) jaga te aro Yangon jaga laga 10 township te Covid-19 bemari cases besi othi-thaka nemite ase koikena janaishe. Itya dak te health and sports ministry para desh pura 45 townships te ghor pithor te thakiboli hokom toh junaikena jai ase, koikena khobor toh Xinhua news agency para koishe. Etu samai, Wednesday din Myanmar te Covid-19 notun cases toh 3,947 khobor paishe, etu sob melaikena itya 175,923 cases neshina ase koikena ministry laga data hesab te janaishe. Etu oper te desh te Covid-19 bemar para mora morikena thaka toh to 3,570 ase aro 24 gonda pithor te virus bemar para 57 notun mora khobor paishe. Sob melaikena 141,255 manuh hospitals para bemar bhal hoikena discharged hoishe aro itya dak te Covid-19 samples toh 2.81 million neshina tested korikena ase koikena khobor para janaishe.