Sikkim te 222 notun cases, 20.6% positivity rate

July 9, 2021. Sikkim te COVID-19 cases toh notun 222 cases aro thurishe aro etu oper te ek jun mora khobor paishe, koikena health department bulletin para janaishe. Etu notun cases toh melaikena Sikkim te itya caseload toh 21,795 neshina hoikena ase koishe. Sikkim te notun cases thura pithor te East Sikkim district te 85 thurishe, West Sikkim te 75 cases, South Sikkim te 51 cases, North Sikkim te 7 cases thura khobor paishe. Himalayan state te itya 2144 active cases hoikena ase. Etu samai State te COVID-19 bemar para ek jun mora khobor powa te itya 312 manuh morikena ase. Sikkim te notun cases thura toh 1076 samples testing kora te paishe. Sikkim te notun cases thura laga positivity rate toh 20.6% ase aro State te itya dak 19,082  manuh bemar bhal hoikena ase. Etu samai 257 coronavirus-positive manuh toh dosura state para aha khan ase aro Sikkim te recovery rate toh 87.5 per cent hoikena ase, koikena khobor para janaishe.