Punjab police para international drug racket thurishe

Chandigarh: Punjab police para international drug racket ekta khobor powa te 12 manuh ke thurishe aro etu pithor te Afghanistan nationals 4 jun samil thakishe. Olop din akhe police para 4 jun Afghan nationals thura te aro Wednesday din Hoshiarpur police para 12 jun aro thurishe aro international drug racket khobor paishe. Hoshiarpur Senior Superintendent of Police (SSP), Navjot Singh Mahal laga khobor hesab te, police para heroin 20 kilograms logot drug laga poisa Rs 40 lakh be thurishe koishe. “police para heroin 20 kilograms aro drug laga poisa Rs 40 lakh thurishe, etu oper te 12 manuh ke be thurishe aro etu pithor te 4 Afghanistan nationals samail thakishe. Ami khan laga teams khan para tinta(3) states- Uttarakhand, Uttar Pradesh aro Delh para etu manuh khan ke thurishe, etu oper te main manuh laki thaka Jasbir ke be thurishe,” koikena Senior Superintendent of Police para khobor toh janaishe. Sunday din Punjab Police para 4 jun Afghan nationals ke thurishe aro tai khan laga hath te heroin Rs 90 crore laga daam toh South Delhi para thurishe koishe. Etu thura manuh laga nam toh Mujahed Shinwari, Mohammad Lal Kaker, Jannat Gul Kakar aro Samiullah ase koikena janishe.